Bayerische Begegnungen im Wilden Westen / Zerst ballern, dann bussln

Des Biachl is a Western-G‘schicht mit Rache, Gehupf und Liab, dass da fast da Hut vom Kopf fliegt. In Rockland City, dem bayerischen Kaff mitten im Wilden Westen, gibt’s koan Saloon, aber a Brauhaus, da triffst auf Buam in Krachledernen und Madln in tief ausgeschnittenen Dirndln. A Cowboy staubt eini und stolpert im Brauhaus über seinen Erzfeind, a Halodri, dem er no a Watschn schuldet. Und jetz pass auf, wer ois dabei is: 1) D’Mannsleit – hart wia Granit: Da Rach’buam; (da Held), Vierfinger-Jim, (da gschleimige Haderlump) 2) D’Weiberleit – schee, scheena, Sonnaufgang: D’Lasso Tanzhenna, deren Hüft’n mehr Rhythmus ham als a ganze Hula Hula Schui. D’Rotschürzn Gspusimaus, kurz vorm Explodiern vor lauter Kurven, D’Hundemama; die si sogar im Schlaf beschwert. Und dann die Schönste von alle, die halb Indianerin, deren Tanz so heiß is, dass er für die globale Erderwärmung verantwortlich sei könnt. 3) Und da Oscar? Der geht an Bobby, den bissigen Mini-Köter, der glaubt, er war amoi a Wolf , is aber bloß a grantiger Yorkshire Terrier mit Beißlust. Hör zua… mit dera Bagage packt di des Biachl, druckt di, lässt di lachen und sog’n: „Xefix; wos für a G’schicht!“ Des is a Abenteuer, a Gaudi, a Legende und g’schriem auf Vollgas-Bazi-Bairisch, also Bairisch im Turbo Modus, g’schriem von an Bazi, der’s gern übertreibt, derb und saukomisch. Wennst bis Seite zwölf ned grinst, lachst oder da auf d’Oberschenkel klopfst, dann host koa Herz oder bist a Preiß.