Mei Freind Zimmermann

Buachbschreibung: (Achtung, boarisch…!) Mei Freind Zimmermann Da Zimmermann is a Phänomen: A Erb mit vui Zeid, am Sejbstvatraun vo am Genie und da praktischn Begobung sowia am Äißan vo ana Kokosnuss. An seina Seitn leidt sei Freind, da Vazejhla, dea in 28 saukomische Kuazgschichtn unfreiwillig zum Chronistn vo absurde Katastrophn wead. Ob da Zimmermann d Wejd bereisn, a revolutionäre Erfindung mocha oda mit frei dafundane Faktn lokale Streidarein schlichtn wuij – sei Plän han zum Scheitan vauateit und treim sein Freind zuavalässig an Rand vom Wahnsinn. D Gschichtn lem vo ana Freindschoft an da Belostungsgrenz, vo absurda Situationskomik und vo Pointn, de moastns an Foischn treffa. A Buach fia olle, de glaam, eahnane Freind san ostrengad – Sie kenna an Zimmermann no ned!